Ungkapan Adat Minangkabau

Ungkapan Adat Minangkabau Tentang Pangulu , Bundo Kanduang , Alim Ulama , dan Cadiak Pandai

A.Panghulu

Kayu gadang di tangah koto

Bapucuak sabana bulek

Baurek sabana tunggang

Batang gadang tampek basanda

­­­­­Dahannyo tampek bagantuang

Ureknyo tampek baselo

Daun rimbun tampek balinduang

Tampek balinduang kapanehan

Tampek bataduah kahujanan

Nan tinggi tampak jauah

Nan dakek jolong basuo

Kapai tampek batanyo

Kapulang tampek babarito

B.     Bundo Kanduang

Bundo kanduang limpapeh rumah nan gadang
Amban puruak pagangan kunci
Amban puruak aluang bunian
Pusek jalo kumpulan tali
Sumarak didalam kampuang
Hiasan dalam nagari
Nan gadang basa batuah
Kok hiduik tampek banasa
Kok mati tampaik baniaik

Ka undang-undang ka Madinah
Ka payuang panji ka Sarugo

            Limpapeh rumah nan gadang
            Sumarak dalam nagari
            Hiasan didalam kampuang
            Nan tau jo malu dan sopan
            Hiasan Kampuang jo halaman
            Langkok ka koto jo nagari
            Sampai ka balai jo musajik
            Panyusun sumarak rumah tanggo
            Laku baiek budi baiek
            Malu jo sopan tinggi sakali
            Baso jo basi dipakaikan
            Nan gadang basa batuah
            Kok hiduik tampek banasa
            Kok mati tampaik baniaik
            Tiang kokoh budi nan elok
            Pasak kunci malu jo sopan
            Hiasan dunie jo akiraik
            Auih tampek minta aie
            Lapa ka tampaek minta nasi

Elok tapian dek nan mudo
Elok Kampuang dek nan tuo
Elok Nagari dek pangulu
Elok musajik dek tuangku
Elok rumah dek bundo kanduang

            Muluik manih kucindam murah
            Baso baiak gulo di bibie
            Muluik manih talempong kato
            Sakali rundiang disabuik
            Takana juo salamonyo

Masaklah buah kacang padi
Dibawok urang katangah pasa
Padi nan masak batangkai-tangkai
Bundo kanduang tuladan budi
Paham nan indak amuah tajua
Budinyo nan indak amuah tagadai

C.     Alim Ulama

Ikutan lahia jo batin

Suluah bendang dalam nagari

Panarangi jalan di dunia

Panyuluah jalan ka akhirat

Tampek batanyo hala haram

Sarato sah jo halal

Suluah bendang dalam nagari

Palito nan tak namuah padam

Duduaknyo bacamin kitab

 Tagak nan rintang jo pituah

“Ka ateh indak bapucuak , kabawah indak baurek”

D.            Cadiak Pandai

Kok bulek samo digolong

Kok tipih samo di layang

Rancak pikek jan lah sombong

Karano pitih ndak salamonyo

Panakiak pisau sirauik

Ambiak galah batang lintabuang

Saladang ambiakkan biru

Satitiak jadikan lauik

Sakapa jadikan gunuang

Alam takambang jadi guru